(۷) نماز عشاء کے بعد کے وظائف ونوافل
نماز وتر
اس کے بعدتین رکعت وتر پڑھے۔ بعض مشائخ وتر کو سحرتک ملتوی رکھتے ہیں؛لیکن یہ اس وقت ہےجب کہ پچھلے پہر جاگنے کاپورا ارادہ ہو، ورنہ سونے سے پہلے وترپڑھ لینا بہتر ہے۔
وتر کی پہلی رکعت میں سَبِّحِ اسْمَ دوسری میں کافرون تیسری میں سورۂ اخلاص پڑھے ، اور پھر دعائے قنوت پڑھے، اور بعد سلام کے تین بار پڑھے: ۔
تَوَکَّلْتُ عَلَی الْحَیِّ الَّذِیْ لَا یَمُوْتُ سُبْحَانَ اللّٰہِ وَالْحَمْدُ لِلّٰہِ رَبِّ الْعٰلَمِیْنَ۔
اللہ اور حمد خاص ہے اللہ کے لیے جو تمام جہانوں کا پروردگار ہے۔
اس کے بعد سجدے میں جا کر پانچ بار پڑھے:۔
سُبْحَانَ الْمَلِکِ الْقُدُّوْسِ سُبُّوْحٌ قُدُّوْسٌ رَبُّنَا وَ رَبُّ الْمَلٰئِکَۃِ وَالرُّوْح۔
پاکی بیان کرتے ہیں ہم پاک بادشاہ کی وہ سبوح وقدوس ہے ہمارا رب اور فرشتوں کا اور روح کارب۔
پھر بیٹھ کر آیۃ الکرسی پڑ ھے ،اور اس کے بعد پھر سجدہ کرے اور پانچ مرتبہ وہی تسبیح تا آخر پڑھے۔ اس کے بعد دو رکعت نفل بیٹھ کر اداکرے ،پہلی میں بعد فاتحہ اِذَا زُلْزِلَتِ الْاَرْضُ اور دوسری میں اَلْھٰکُمُ التَّکَاثُرُ پڑھے ،بعدسلام تین بار پڑھے:۔
یَفْعَلُ اللّٰہُ مَا یَشَاءُ بِقُدْرَتِہٖ وَیَحْکُمُ مَا یُرِیْدُ بِعِزَّتِہٖ۔
اللہ کرتا ہے جو چاہتا ہے اپنی قدرت سے اور حکم کرتا ہے جو چاہتا ہے اپنے غلبہ سے۔
بعدنمازفجر سورۂ یٰسٓ شریف پڑھے، اور بعد نمازظہر سورۂ نوح اور بعدنمازعصر اِنَّا فَتَحْنَا اور بعد نماز مغرب سورۂ واقعہ اور بعد نماز عشاء سورۂ ملک پڑھے اس کے بعد بیٹھ کر سوبارسورۂ اخلاص اورسو بار درود شریف پڑھے، اگرہزار ہزار بار پڑھ سکے تو زیادہ فضیلت ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972